Inicio Últimas Noticias Licitada por preto de 800.000 euros a primeira fase das obras do...

Licitada por preto de 800.000 euros a primeira fase das obras do tramo compostelán da Vía Verde

OBRAS
Licitada por preto de 800.000 euros a primeira fase das obras do tramo compostelán da Vía Verde

02/01/2024 As obras da Vía Verde ao seu paso por Santiago divídense en dúas fases, con 10 quilómetros de lonxitude e un investimento total de 1,6 millóns de euros. A súa execución completará a ruta ciclable de 36 quilómetros que discorre polos municipios de Cerceda, Tordoia, Ordes, Oroso e Santiago.

A Deputación da Coruña vén de publicar a licitación da primeira fase das obras do tramo da Vía Verde Compostela-Tambre-Lengüelle que discorrerá en territorio de Santiago, cun orzamento de 796.766,58 euros.A Vía Verde Compostela-Tambre-Lengüelle, que desde 2022 conecta os concellos de Cerceda, Tordoia, Ordes e Oroso, con 26 quilómetros de senda ciclable sobre as antigas vías do ferrocarril, é a máis longa de Galicia. Con esta nova ampliación para conectar a Vía Verde coa capital de Galicia, o trazado total alcanzará os 36 quilómetros de lonxitude.As obras para conectar a Vía Verde con Santiago divídense en dúas fases e teñen un orzamento total de 1,6 millóns de euros. A primeira delas, xa en fase de licitación pública, irá desde a Estación da Sionlla ata o punto quilométrico 2+200.A segunda fase do tramo compostelán, que vai desde o punto quilométrico 2+200 ata o punto quilométrico 10+200 onde conecta co trazado da Vía Verde que xa están en funcionamento, en Sigüeiro, suporá outros 800.000 euros de investimento, dos que 300.000 euros serán achegados polo PSTD Vía Verde, 250.000 euros pola Deputación da Coruña e 250.000 euros polo Concello de Santiago.O proxecto completo implica ao Goberno de España, Deputación da Coruña e aos cinco concellos polos que discorre a Vía Verde.

Leer más:   Comeza a funcionar o novidoso sistema de recollida selectiva de lixo no casco histórico con illas "de quita e pon"

Direccións relacionadas


- Te recomendamos -
Artículo anteriorEl tiempo para hoy en Santiago de Compostela, 1 de enero de 2024
Artículo siguienteEl tiempo para hoy en Santiago de Compostela, 2 de enero de 2024
Foto del avatar
Equipo de la redacción central de EditorialOn. Somos muchos, de sitios muy distintos y vivimos por y para la información.