Aberto a partir do martes 31 de outubro o prazo para solicitar as prazas para o programa de conciliación de Nadal

XUNTA DE GOBERNO
Aberto a partir do martes 31 de outubro o prazo para solicitar as prazas para o programa de conciliación de Nadal

30/10/2023 A Xunta de Goberno local, reunida esta mañá en sesión ordinaria, aprobou os prazos de solicitude e o procedemento de admisión para o “Programa municipal de conciliación de Nadal 2023” que se vai desenvolver nos CEIPs Quiroga Palacios e Monte dos Postes entre o 22 e o 29 de decembro e entre o 2 e o 5 de xaneiro. O programa está dirixido á cativada escolarizada en educación Infantil e Primaria do municipio de Santiago, e o prazo de inscrición permanecerá aberto dende mañá, martes 31 de outubro, ata o 9 de novembro.

Este programa ten, entre os seus obxectivos, favorecer a conciliación da vida familiar, laboral e persona; e dar resposta á necesidade que teñen os menores de ocupar o seu tempo de ocio e tempo de lecer no verán, de xeito dinámico e divertido e desde unha perspectiva perspectiva educativa e integradora.O Programa municipal de conciliación de Nadal 2023 desenvolverase durante o período de vacacións escolares de Nadal, os días 22, 26, 27, 28 e 29 de decembro e os días 2, 3, 4 e 5 de xaneiro. As familias interesadas poderán solicitar as dúas quendas ou unha delas coas diferentes modalidades e servizos. Así, o horario será de 9 a 14 horas e ofrécese a posibilidade de que as familias poidan solicitar un servizo de madrugadores con almorzo (de 7.45 a 9 horas) e un servizo de comedor (de 14 a 16 horas).En total, o Concello de Santiago ofrece 95 prazas entre os dous centros, das que 12 estarán reservadas para nenos e nenas con informe do Departamento de Servizos Sociais do Concello de Santiago que terán carácter de acceso prioritario ao programa. Asemade, ofértanse 50 prazas para o servizo de comedor e 30 para o de madrugadores.Os prezos completos (con almorzo, xantar e actividades) para os nove días é de 205,92 euros. Se a nena ou neno vai só á primeira quenda, a de decembro, a tarifa é de 114,40 euros; e de 91,52 euros para a quenda do mes de xaneiro. Co obxecto de favorecer a participación das persoas usuarias con escasos recursos, establécense unhas reducións do 50 e do 100% dos prezos ordinarios.Solicitude da prazaEste programa de conciliación está destinado a nenas e nenos que cursen estudos en centros de educación infantil e primaria de Santiago, entre o 2º Ciclo de Educación Infantil e o 3º Ciclo de Educación Primaria (ambos os dous inclusive). As persoas usuarias deberán estar empadroadas no Concello de Santiago ou escolarizados nun centro de ensino do municipio.O prazo de inscrición abre mañá, martes 31 de outubro e finaliza o 9 de novembro, ambos incluídos.As solicitudes presentaranse segundo o modelo normalizado, nos prazos establecidos ao efecto, a través da sede electrónica do Concello de Santiago, no trámite “Inscrición nos programas de conciliación do Departamento de Educación” dentro do catálogo de trámites dispoñible; ou de xeito presencial, no Rexistro xeral do Concello (rúa do Presidente Salvador Allende 4, Galeras).

Documentos relacionados